Afvlerkvoëls

(brief van ’n ma aan haar seun) 

Here, waarom het U my seun so gemaak? was die vraag wat ek elke dag mee moes worstel. Ek het vir hom ’n tipiese seunslewe voorgestel, maar toe ek agterkom hy’s ‘anders’ het my gebed-sessies begin. Gebed vir myself, teen myself, gebed vir hom 

– teen hom. Gebed vir God – teen God. Baie vrae, hoekom, waarom?  

Maar die grootste ‘vyand’ van alles; my vrees vir die kerk. Let wel, nie my vrees oor hoe God voel nie, maar oor hoe die kerk voel.